ပိုးတီကောင်တွင်း မှတ်တမ်း

၂၀၀၉ ခုနှစ် သြဂုတ်လ ၁ ရက်နေ့မှစ၍ ကမ္ဘာသူ/သား ယောက်တိတိ ပိုးတီကောင်တွင်းကို ဖြတ်သန်းကာ လာရောက် လည်ပတ်ခဲ့ကြပါသည်။

Saturday, June 21, 2008

နှစ်ပင်လိမ်

သူ၏ရှေ့တွင် ထိုင်နေသော အထက်၊အောက်အ၀ါရောင် တဆင်တည်း ၀တ်ထားသော မိန်းကလေး၏ မျက်နှာကို တချက် အကဲခပ်လိုက်သည်။ သူမ ခါတိုင်းလို ရွှင်ရွှင်ပျပျ မရှိတာကို သတိထားမိသည်။ သူ ဖွင့်ပြောလိုက်ရတော့မည်လော၊ မပြောသေးပဲ ခေတ္တစောင့်ဆိုင်းရမည်လော။ စားပွဲပေါ်ရှိ လိမ္မော်ရည်ကို သူ တကျိုက် ယူသောက်လိုက်သည်။ ကိုယ်ကို မတ်နေအောင် ပြင်ထိုင်လိုက်ပြီး

“လွင့်ကို ကိုယ်တစ်ခု ပြောစရာ … ။” “လွင် ကို့ကို ပြောစရာ … ”

ပြောမဲ့ပြောတော့လဲ နှစ်ယောက်စလုံး နှုတ်မှ သံပြိုင်ထွက်လာသည်။

“ဒါဆို လွင်အရင်ပြောပါ။”

“မဟုတ်ဘူး၊ ကို အရင်ပြော။”

သူဘာပြောမည်ဆိုတာ သူသိသဖြင့် သူဇွတ်ငြင်းမိသည်။

“လွင် အရင်ပြောပါ၊ ကိုယ့်ကိစ္စက နောက်မှ ပြောလဲ ရပါတယ်။”

လွင်ဆိုသော မိန်းကလေးသည် ပင့်သက်တချက် ရှိုက်သွင်းလိုက်ပြီး နှုတ်ခမ်းကို တင်းတင်း တချက် စေ့သည်။ အတန်ကြာမှ သက်ပြင်းတချက်ချပြီး လေးလေးတွဲ့တွဲ့ အသံဖြင့် …

“လွင် တို့ လမ်း ခွဲ ရ အောင် ကို … ။”

သူမကပဲ ဆက်ပြောပြန်သည်။

“ကို့မှာ အပြစ်မရှိပါဘူးကို။ ကို့ကို လွင်ချစ်လို့ မရတော့တာ တခုပါပဲ။ လွင့်မှာ တခြား ချစ်ရမဲ့သူ ရှိနေပြီ … ။”

ကမ္ဘာမြေသည် အိုးထိန်းစက်ကဲ့သို့ ချာချာလည်လေသည်။

“ကောင်းပြီလေ။ လွင့်သဘောပါ … ။”

လေသံကို အတတ်နိုင်ဆုံး ကြိုးစားထိန်း၍ ပြောလိုက်ရသည်။

“ကို ပြောစရာ ရှိတယ်ဆို၊ ဘာပြောမလို့လဲ ဟင်။”

သူ့ကို ‘ကို’ ဟု ဆက်ခေါ်နေတုန်းပါလား။ အကျင့်ပါနေလို့ ဖြစ်မှာပေါ့လေ။ ဒီအချိန်ကျမှတော့ သူပြောမည့်စကားကို ပြောနေလို့လဲ မထူးတော့ပါဘူးလေ။ ဘယ်လို ပြန်ပြောရမည် စဉ်းစားနေဆဲတွင်ပင် …

“ကို မပြောတော့ဘူးဆိုရင် လွင်သွားတော့မယ်။ ချိန်းထားတာလေး တစ်ခု ရှိလို့။”

ဟိုတစ်ယောက်နဲ့လားဟုပင် ပြန်မမေးဖြစ်ပါ။ ၁၂၀% သေချာနေသော အဖြေကို သိရ၍ ဘာအကျိုးအမြတ်ရှိပါမည်နည်း။

ကမ္ဘာကြီးသည် အိုးထိန်းစက်ကဲ့သို့ ချာချာလည်နေဆဲပင် ဖြစ်သည်။ အဖြစ်အပျက်များက မြန်ဆန်လွန်းသဖြင့် မယုံနိုင်လောက်အောင် ဖြစ်ရသည်။ သူ၏ခံစားချက်များသည် နိမ့်လိုက်၊မြင့်လိုက်နှင့် ပန်းပေါင်းစုံ ဖူးပွင့်နေသော လှပသည့် ကမ္ဘာမြေကြီးသည် အိုးထိန်းစက်လို ချာချာလည်၍ သူ့လောကထဲသို့ ၀င်ရောက်လာသလို သူခံစားရသည်။

လမ်းခွဲစကားပြောမည့်သူထက် ဦးအောင်လမ်းခွဲစကား ပြောသွားသဖြင့် အနည်းငယ် မကျေနပ်သလိုလို၊ ခံရခက်သလိုလို ရှိသော်လည်း အခုမှတော့ ဒါတွေက အရေးမကြီးပါဘူးလေဟု သူ့ကိုယ်သူ ဖြေသိမ့်ရသည်။ ကိစ္စတစ်ခု အောင်မြင် ပြီးမြောက်သွားသလို ခံစားရသည်။ ‘မိုး’ ထံသို့အသွားတွင် သူ၏ခြေလှမ်းများက သွက်လက် ပေါ့ပါး နေလေသည်။

မိုး ကို သူ အင်တာနက်ပေါ်ရှိ အောင်သွယ် ၀န်ဆောင်မှု တစ်ခုတွင် သူ စသိခဲ့ရခြင်းဖြစ်သည်။ မိုးသည် တီတီတာတာ ပြောတတ်သည်၊ စိတ်ရင်းကောင်းသည်၊ ပျော်တတ်သည်၊ ဟာသဥာဏ်ရှိသည်၊ လွယ်လွယ်နှင့် စိတ်မဆိုးတတ်။ အပြင်မှာ မမြင်ဖူးသော်လည်း ကွန်ပျူတာ ဖန်သားပြင်ပေါ်ရှိ ဖော့စဖိတ်ဓာတ်ပေါင်းမှုန့်များက ဖော်ပြပေးသော သူမ၏ စကားများဖြင့် သူ မိုးကို သံယောဇဉ်တွယ်ပြီး ချစ်မိလေသည်။ တချိန်တည်းမှာပင် လွင့်အပေါ်တွင် ထားရှိသော သူ၏ အချစ်များ တဖြည်းဖြည်း လွင့်ပါးလာခဲ့ရပြီး ချစ်သူတစ်ယောက်လို မချစ်နိုင်သော အခြေသို့ ရောက်ရှိခဲ့ရသည်။ လွင်ရိပ်မိသွားလို့များ သူစိတ်ချမ်းသာအောင် လမ်းခွဲပေးခဲ့တာများလား … ။

“တိန် တောင် တိန် တောင် … ”

လက်ကိုင်ဖုန်းသို့ message ၀င်လာသောကြောင့် သူ့အတွေးမျှင်များ ပြတ်တောက်သွားသည်။ မိုးဆီကပဲ။

“မိုးရောက်နေပြီ၊ အ၀ါရောင် ၀တ်ထားတယ်။”

သူလဲ ရောက်လုပါပြီ။ ချိန်းထားသော ကော်ဖီဆိုင်ထဲသို့ သူလှမ်းဝင်လိုက်သည်။ ဆိုင်အတွင်းတွင် အ၀ါရောင် အပေါ်အောက် ဆင်တူ ၀တ်ထားသော မိန်းကလေးကို တစ်ဦးတည်းသာ ရှိသည်။ ကောင်းသည်၊ လူမှားစရာ မရှိတော့။ သူဆိုင်ထဲ လှမ်းအ၀င်တွင် အ၀ါရောင် မင်းသမီးလေးက သမင်လည်ပြန် လှည့်ကြည့်လေသည်။ ထိုခဏမှာပင် ကမ္ဘာမြေသည် အိုးထိန်းစက်ကဲ့သို့ ချာချာလည်ပြန်လေသည်။

‘မိုး’ သည် ချောပါသည်၊ လှပါသည်၊ မြင်သူတိုင်း ငေးရလောက်သော ရူပကာ ပိုင်ရှင်ဖြစ်ပါသည်။ သို့ရာတွင် ထို့ထက်ပို၍ အရေးကြီးသည်မှာ သူမ၏ မှတ်ပုံတင်ထဲတွင် သူမ၏အမည်ကို ‘မိုးသိမ့်လွင်’ ဟု ဖြည့်သွင်းရေးသားထားခြင်း ဖြစ်ပါသည်။


Thursday, June 19, 2008

လက်တလုံးခြား

တကယ်တမ်းတော့ မြတ်တင်သိန်းတစ်ယောက် မှင်မောင်းကောင်းကောင်းနှင့် လိမ်လည်လှည့်ဖျားရာမှ ကျပ်သိန်းတစ်ထောင်ကျော် ရရှိလာခဲ့သည်မှာ အထူးအဆန်း မဟုတ်ပါ။ ဥပဒေအရ ရာဇ၀တ်မှုကြောင်းမှ တရားစွဲဆိုပိုင်ခွင့်ရှိသည့် ကာလကို တစ်ရက်ကျော်သွားသောအခါ ၄င်းကို ဖမ်းဆီးချုပ်နှောင် စွဲချက်တင်ခြင်း မပြုနိုင်တော့သည်မှာလဲ အံ့သြစရာ မဟုတ်ပါချေ။

သို့ရာတွင် ၄င်းတရားစွဲဆိုပိုင်ခွင့်ရှိသည့် ကာလကို မြတ်တင်သိန်းတစ်ယောက် ဘယ်လို လွန်မြောက်စေခဲ့သနည်းဆိုသည့် အချက်ကမူ သတင်းစာများ၊ ဂျာနယ်များတွင် ဟိုးလေးတကျော်ဖြစ်ခဲ့ရသည့် နိုင်ငံတော်နှင့် မြတ်တင်သိန်း၏ အမှုနှင့် ထိုအမှု၏ အကျိုးဆက်များကို ဖြစ်စေခဲ့ပါသည်။ ၄င်းအမှုသည် ဥပဒေကို ၄ခုမြောက် အတိုင်းအတာသို့ တိုးမြှင့် ပြဌာန်းစေခဲ့ပါသည်။

အဘယ့်ကြောင့်ဆိုသော် ကျပ်သိန်းတစ်ထောင်ကျော်ကို လိမ်လည်ရယူအပြီးတွင် မြတ်တင်သိန်းသည် သူတရားမ၀င် လက်ဝယ်ထားရှိသော အချိန်စက်အတွင်းသို့ ၀င်ရောက်ကာ ၃ နှစ်နှင့် ၁ ရက်အကွာ အနာဂါတ်သို့ စက်ကို မောင်းနှင်ခဲ့ခြင်းကြောင့်ပင်တည်း။

မြတ်တင်သိန်း၏ ရှေ့နေ၏ လျှောက်လဲချက်အရ အချိန် အတိုင်းအတာအရ ပုန်းအောင်းနေခြင်းသည် အခြေခံအားဖြင့် အာကာသ အတိုင်းအတာအတွင်း (ချောင်တချောင်တွင် ကပ်၍) ပုန်းအောင်းနေခြင်းနှင့် တူတူပင် ဖြစ်သည်ဟူ၏။ အကယ်၍ တရားဥပဒေ စိုးမိုးရေး အဖွဲ့များက ၄င်း၏ အမှုသည်ကို ၃ နှစ်ကာလအတွင်း ဖမ်းဆီး စွဲချက်တင်နိုင်ခြင်းမရှိလျှင် ၄င်းအဖွဲ့တို့၏ တာဝန်သာဖြစ်သည်ဟု လျှောက်လဲ၏။

ကာလအပိုင်းအခြား သတ်မှတ်ချက်သည် ရာဇ၀တ်သားနှင့် ဥပဒေအကြား ကစားပွဲမဟုတ်ကြောင်း၊ တရားခံအား အချိန်ကာလ အကန့်အသတ်မရှိ စိုးရိမ်ကြီးစွာနှင့် နေထိုင်မနေရစေရန် ကရုဏာရှေ့ထားသည့် သတ်မှတ်ချက်သာလျှင် ဖြစ်ကြောင်းဖြင့် အစိုးရရှေ့နေ (ဆွဲချရှေ့နေ)က ထောက်ပြပြန်သည်။ အချို့သော ရာဇ၀တ်မှုများအတွက် ၄င်းကန့်သတ်အချိန်အတွင်း စိုးရွံ့နေရမှုသည်ပင် အပြစ်ပေးခြင်းတမျိုးဖြစ်ကြောင်းလဲ ဆက်လက်ရှင်းပြလေသည်။ သို့ဖြစ်၍ မြတ်တင်သိန်းသည် အဆိုပါ စိုးရွံ့မှု ကာလကို ကျော်ဖြတ်ရခြင်း မရှိသေးကြောင်း ရုံးတော်ကို လျှောက်လဲလေသည်။

မြတ်တင်သိန်း၏ ရှေ့နေက ဆွဲချရှေ့နေ၏ လျှောက်လဲချက်ကို ဥပဒေတွင် ရာဇ၀တ်သား၏ စိုးရွံ့မှုနှင့် စိတ်ပိုင်းဆိုင်ရာ ထိခိုက်မှုများကို တိုင်းတာရန် မပါကြောင်း၊ အချိန် အကန့်အသတ်ကိုသာ သတ်မှတ်ထားကြောင်း ချေပလျှောက်လဲသည်။ အစိုးရရှေ့နေက အဆိုပါ အချိန်အကန့်အသတ်ကို မြတ်တင်သိန်း မနေထိုင် မဖြတ်ကျော်ရသေးကြောင်း ထပ်မံ လျှောက်လဲပြန်သည်။

ရာဇ၀တ်မှု ကျူးလွန်သော အချိန်မှစ၍ ရေတွက်လျှင် မြတ်တင်သိန်းသည် အသက် ၃ နှစ်ကြီးလာကြောင်းနှင့် အဆိုပါ အချိန်အကန့်အသတ်ကို တရားခံ အသက်ရှင် နေထိုင်ပြီးဖြစ်ကြောင်း တရားခံ၏ ရှေ့နေက အခိုင်အမာ တင်လျှောက်ပြန်သည်။ ၄င်းကို ဆွဲချရှေ့နေက ပြန်လှန်မေးခွန်းထုတ်ရာတွင် တရားခံဘက်မှ မြတ်တင်သိန်း၏ မွေးစာရင်းကို အထောက်အထားအဖြစ် ရုံးတော်သို့ တင်သွင်းလေသည်။ မြတ်တင်သိန်းသည် ခရစ်နှစ် ၂၉၇၃ တွင်မွေးဖွားသူဖြစ်ပြီး ရာဇ၀တ်မှု ကျူးလွန်ချိန် ၃၀၀၄ ခုနှစ်တွင် သူသည် အသက် ၃၁ နှစ်ရှိခဲ့သည်။ ယခု ၃၀၀၇ ခုနှစ် ကုန်လုပြီဖြစ်သဖြင့် မြတ်တင်သိန်းသည် အသက် ၃၄ နှစ်ရှိပြီဖြစ်ကြောင်း ချေပသည်။ (ဤတွင် အစိုးရရှေ့နေက စိတ်ပိုင်းဆိုင်ရာ ရင့်ကျက်မှုတွင် မြတ်တင်သိန်းသည် ၃၁ နှစ်သာ ရှိသေးကြောင်း ကန့်ကွက်အော်ဟစ်သည်။)

အသက် ၁၈ နှစ်ကျော်လွန်၍ စိတ်ပေါ့သွပ်ခြင်းမရှိလျှင် စိတ်ပိုင်းဆိုင်ရာ ဇီဝပိုင်းဆိုင်ရာ အသက်ကို ခန့်မှန်းခြင်းမပြုပဲ အရွယ်ရောက်သူဟုပင် ယူဆရမည်ဖြစ်ပြီး အရွယ်ရောက်သူတစ်ဦး၏ အသက်ကို တွက်ချက်ရာတွင် ဥပဒေအရ လက်ရှိ နေ့စွဲမှ မွေးစာရင်းပါ နေ့စွဲကို နှုတ်ပြီး တွက်ချက်ရမည်ဖြစ်ကြောင်း တရားခံ၏ရှေ့နေက ဆက်လက် တင်ပြလေသည်။ (ဤနေရာတွင် အစိုးရရှေ့နေက မြတ်တင်သိန်းကို လွှတ်ပေးလျှင် ဥပဒေစာအုပ် တ၀က်ကျော်ကို မီးရှို့လိုက်ရတော့မည်ဟု ရေရွတ်သည်။ ထိုအခါ တရားခံဘက်မှ ဥပဒေများကို ပြုပြင်ရမည်ဖြစ်ကြောင်းနှင့် မပြုပြင်မီတွင်မူ ပြဌာန်းထားသည့်အတိုင်းသာ လိုက်နာရန်လိုကြောင်း ပြန်လှန်ပြောဆိုသည်။)

တရားသူကြီးက ရက်သတ္တပါတ် တစ်ပါတ် ရုံးချိန်းပေးပြီးမှ အဆုံးအဖြတ်ကို ကြေငြာသည်။ ၄င်းကြေငြာချက်သည် ဥပဒေ၏ သမိုင်းကြောင်းတွင် အရေးပါသော အလှည့်အပြောင်းတစ်ခု ဖြစ်လေသည်။ (ဒီနေရာတွင် စာရှုသူသာ တရားသူကြီးဖြစ်လျှင် မည်သို့ဆုံးဖြတ်မည်နည်း)

တရားရုံး၏ အဆုံးအဖြတ်မှာ တိုတိုလေးသာလျှင်ဖြစ်သည်။ “တရားခံကို တရားသေလွှတ်စေ။”

Isaac Asimov ၏ A Loint of Paw ကို TAH ၏ သမိုင်းကြောင်းနှင့် လျော်ညီအောင် ဘာသာပြန်ဆိုပါသည်။

စာမူများ ခေါ်ယူခြင်း

TAH မှ ပုံပြင်များသည် သိပ္ပံစိတ်ကူးယဉ်နှင့် ပုံပြင်များ (Sci-Fi and Fantasy) ကို မြန်မာ့ စာပေလောကတွင် မြှင့်တင်ရန် ရည်ရွယ်ချက်ဖြင့် ကြံဆထားသော အခြားအချိန်ကာလတစ်ခု (An Alternate Time-line) ဖြစ်ပြီး ၀တ္ထုရေးသားမှုကို စိတ်ပါဝင်စားသူ မည်သူမဆို ၀တ္ထုတို၊ ၀တ္ထုလတ်နှင့် ၀တ္ထုရှည်များ lawshay@lawshay.com သို့ ပေးပို့နိုင်ပါသည်။

သိပ္ပံစိတ်ကူးယဉ်နှင့် ပုံပြင်များကို လောရှည်က ပိုမိုနှစ်သက်သော်လည်း ပေးပို့လာသော ဇာတ်လမ်းအားလုံးကို TAH ၏ သမိုင်းကြောင်း (Time-line) နှင့် ကိုက်ညီမှုရှိပါက မည်သည့် အမျိုးအစားကိုမဆို ဖော်ပြမည် ဖြစ်ပါသည်။

ပေးပို့လာသော ဇာတ်လမ်းအားလုံးကို TAH ၏ သမိုင်းကြောင်းနှင့် ကိုက်ညီစေရန်၊ သတ်ပုံသတ်ညွှန်း မှန်ကန်စေရန်နှင့် ၀ါကျအထားအသို စနစ်ကျစေရန် မူရင်းရသကို မထိခိုက်စေပဲ အပေါ်ယံ ပြုပြင်မည်ဖြစ်ပြီး ပြုပြင်မှုအားလုံးကို ရေးသားသူထံ ပေးပို့ အတည်ပြုပြီးမှ ဖော်ပြမည် ဖြစ်ပါသည်။ပေးပို့လာသော ၀တ္ထုဇာတ်လမ်းနှင့် ဇာတ်ကောင်များအားလုံးကို မူလ ရေးသားသူသာ ဆက်လက် ပိုင်ဆိုင်မည်ဖြစ်ပြီး အခြားနေရာများတွင် ကြိုက်နှစ်သက်သလို အသုံးပြုနိုင်ပါသည်။ သို့သော် ၄င်းတို့ကို အခြေတည်၍ အခြားစာရေးသူတို့က ကိုယ်ပိုင်ဇာတ်လမ်းများ ဆင့်ပွား ရေးသားကောင်း ရေးသားမည် ဖြစ်သဖြင့် (TAH မှ ပုံပြင်များ၏ မူဝါဒအရ ထိုသို့ ဆင့်ပွား ရေးသားခြင်းကို ခွင့်ပြုရုံမျှမက အားပေးပါသည်။) သမိုင်းကြောင်း ကိုက်ညီမှုရှိစေရန်အတွက် (For canonical reasons) TAH မှ ပုံပြင်များတွင် ဖော်ပြထားပြီးသော ဇာတ်လမ်း (နှင့် ဇာတ်ကောင်များ) ကို ပြင်ဆင်ခြင်း၊ ပယ်ဖျက်ရန် တောင်းဆိုခြင်းကိုမူ လုံးဝ ခွင့်ပြုမည် မဟုတ်ပါ။